یا خنساء

یا خنساء

الگلب نصّه لگیته امترّس ابترحیــــــب

او نص الثانی من القهر اذّانــــــــــــــــی

احس النار توجر بیه من کل صـــوب

ارید اصرخ ولاکن صوتی  خانانــی

***

یا خنساء الگلب مچوی صبح بحشــــــای

شوفی الروح مشتعله و اجر بیهـــــــه

یا ساعه تتفجّر روحی من الضـــــــــیم

الدهر طگّهه و اشلون اگدر اداویهه

***

اچّم اکتاب بگلیبی بگه مســــــــــــــــــدود

ما افتح مواضیع الدهر مگـــــــــــــــــــلوب

مثل جمره او تچوی العتب فوگ الـــــــنار

احتمل حتی الگبر من جسمی ضل مطـلوب

***

سهرنه ایّام و الیال او سنین اهوای

علی درب الرساله نالت احلامــی

بگت قصة حبیبی اماسر ابتدبــیر

من فرگة سنینه کثرت انغامـــی

***

تعال اویای فک باب الگلب و اتشوف

اشکثر نچبات مدحوسه ابحواشیه

ما ناسی  الصوره او ذکریاته اویاه

ولا ناسی الصریفه او خبز باشیه

***

ارید اعتب واسولف والمن اشکی اهموم

یا هل ناس شاب الگلب من غــــــــــــیره

تفلّش بیت ابونه و الکلام انعــــــــــاب

اجه ابچاکوچه بلّم فک مسامیـــــــره

***

تمنیت الحسن واحسین والعـــباس

ابو حیدر علی یلشایل الرایـــــــــــه

یجی خیّال وایشوف الظلم والجور

و لبو صالح الیظهر بلگلب آیـــه

***

وین اسباعنه البلدین شمعه او نــــــــور

اجه وکت البراز الیوم احضرونــــــــه

سبانه البلغرب برض او سماء و المای

تحاصر بیت اهلنه ابساع الحگونـــــه

***

الطریده طاحت امن البیت و امی اتصیح

الشبّه قاومت نبتت علم بلگـــــــــــــــــاع

الهطار ایصیح یا اهلنه لفتنه الگـــــــوم

تناختله اخوته او حزمته اســــــــــباع

***

وین الغبی العاده الدین و ارکانــــــه

یضل محبوس ابحضن امی او تلولیله

یجی ریح الشمال ایهلهل امن ابعـــید

یهوس بلعبایه امحزم ابشیــــــــله

***

جاسم محمد الجابر الحسانی الساری

20/09/1391